დღევანდელი რეალობა სადაზღვევო სექტორში

მსოფლიო მუდმივად იცველბა. ბევრი ადამიანს მიაჩნია, რომ ეს ცვლილებები ერთის მხრივ საფრთხეების მომტანია, ხოლო მეორეს მხრივ უამრავი შანსის წინაპირობაა. ჩვენი აზრით, არსებული ცვლილებები მხოლოდ მათთვის არის საფრთხეები შემცველი, ვინც ამ მდგომარეობას ეპუება. რაც შეეხება შანსებს, ისინი მართლაც უამრავია და თქვენს სააგენტოს გაუმჯობესების ფართო სპექტრს სთავაზობს. თქვენზეა დამოკიდებული ამ შანსების გამოყენება და თქვენი სააგენტოს სამომავლო უსაფრთხოება.

როგორია თქვენი სააგენტოს ყოველდღიურობა? როგორ ფიქრობთ, მზად ხართ აწმყოსთვის? ამომწურავად ამ კითხვაზე პასუხის გაცემა შეუძლებელია, მაგრამ ერთ რამეს გაგიმხელთ: დიგიტალიზაცია უფრო მეტია, ვიდრე უბრალოდ ფორმულარების გაგზავნა თქვენი კლიენტებისთვის.

მაგრამ მაინც რას ნიშნავს დიგიტალიაზია ყოველდღიურ სამუშაოსთან მიმართებაში ერთ-ერთ სადაზღვევო საგენტოში? სავარაუდოდ ამ კითხვაზე იმდენივე პასუხი არსებობს, რამდენიც სადაზღვევო სააგენტო, რადგან გადაწყვეტილებები არ არის დამოკიდებული ერთნაირ ინდივიდუალურ პარამეტრებზე, ისევე როგორც არსებული სამუსაო პრაქტიკა. ამასთან არანაკლებ მნიშვველოვან როლს ასრულებს თანამშრომელთა რაოდენობა, ცალკეული თანამშრომლის პერსონალური კომპეტენცია და თითოეული მათგანის მახასიათებლები. დროებითი თანამშრომლების რაოდენობა თითქმის შეუძლებელს ხდის, ისეთი სტანდარტული გადაწყვეტილებების შემუშავებას,  რომლებიც თანაბრად გამოყენებადი იქნებოდა ყველა სადაზღვევო სააგენტოსთვის. სწორედ ამიტომ, ჩვენ ვემხრობით გადაწყვეტილებების ისეთ სპეციფიკას, რომელიც მოცემულობების ინდივიდუალურ ანალიზს ეფუძნება.

ჩვენი სამუშაოს ბაზისი არის ფაქტიური მდგომარეობის მასშტაბური ანალიზი. ამასთან ხდება მნიშვნელოვან სფეროებში ყველა არსებული მიდგომების ინტენსიური გამოკვლევა, როგორიც არის, მაგალითად, კლიენტის მოზიდვა/გაყიდვები, კონსულტაცია, პროდუქტის შედარება, შეკვეთის გაფორმება და გაყიდვის შემდგომი ღონისძიებები. მნიშვნელოვან ასპექტს წარმოადგენს აგრეთვე, მიმდინარე პროცესების გადანაწილება, რადგან სწორედ აქ იმალება განტვირთვის დიდი პოტენციალი.

არა მხოლოდ სამუშაო პროცესები ხდება გადამოწმების საგანი, არამედ აგრეთვე თანამშრომლებიც. ამის მიზანი გახლავთ ის, რომ ყოვლისმომცველი წარმოდგენა შეგვექმნას, როგორც არსებულ პროცესებზე, ისე ჩვენს ხელთ არსებულ რესურსებზე. ხშირად სწორედ სამუშაო გუნდის წარმომადგენლების უნარებსა და კომპეტენციებში აუთვისებელი რჩება სხვადასხვა რესურსი.

მესამე ეტაპზე ხდება არსებული IT-ინფრასტურქტურის, გამოყენებადი აპარატურის და პროგრამული უზრუნველყოფის შეფასება. აქ გამოკვლეულ უნდა იქნეს, აკმაყოფილებს, თუ არა ყველა კომპონენტი თანამედროვე მოთხოვნებს.

შემაჯამებელი სურათის მისაღებად, ბოლო ეტაპზე ხდება არსებული კლიენტურის და ხელშეკრულებების ანალიზი. ყველა ამ ელემენტის გათვალისწინებით მიიღება ცალკეული სააგენტოს ობიექტურად შეფასებული სტატუსი. 

მესამე მონაკვეთში თეორიიდან გადავდივართ პრაქტიკაზე. კონცეფციის ინტეგრირება ხდება სააგენტოს ყოველდღიურ სამუშაო გარემოში. ეს ინტეგრაცია მიმდინარეობს თანამიმდევრული ტრანსფორმაციის პროცესის ფარგლებში. შეუძლებელია სახლი გადმოვაყირავოთ, როცა მისი მოდერნიზაცია გვსურს. საჭიროა ეტაპობრივი გარემონტება იმისთვის, რომ საბოლოოდ მივიღოთ თანამედროვე და მდგრადი შენობა. ამ მაგალითმა თვალსაჩინოდ უნდა ასახოს ის, თუ როგორ განვახორციელებთ ჩვენ თქვენთან ერთად თქვენი სააგენტოს წარმატებულ გარდაქმნას. ყველა კომპანიაში არის ტექნოლოგიურად გათვიცნობიერებული თანამშრომლები, რომლებიც ინოვაციების დადებით მხარეებს ხედავენ და მზად არიან, გამოიყენონ ისინი. მათ, პირველ რიგში, დირექციის ხელმძღვანელობით, უნდა დაიწყონ დიგიტალიზაციაში იტეგრაციის პროცესი და შესაბამისად, გაეცნონ ახალ აპარატურას და პროგრამულ უზრუნველყოფას. ამ ე.წ. ინტეგრაციამ თვალსაჩინო უნდა გახადოს სხვა თანამშრომლების გაუმჯობესება და აღაფრთოვანოს ისინი არსებული კონცეფციით. მნიშვნელოვანია, რომ ტრანსფორმაციის პროცესში უკლებლივ ყველა თანამშრომელი, მათ შორის დირექციაც, ახალი კონცეფციით უნდა მოქმედებდეს, რადგან მხოლოდ ასეთ შემთხვევაში იქნება ოპტიმიზაცია წარმატებული. ხშირად, ამ ტიპის რესტრუქტურიზაცია კრახს განიცდის თანამშრომელთა უკმაყოფილების გამო, რადგან ადამიანებს უჭირთ ჩვეული მდგომარეობიდან გამოსვლა. სწორედ ისეთი ტერმინების გაგება, როგორიც არის „ავტომატიზაცია“ და „ეფექტურობა“, ბევრში სამუშაო ადგილის დაკარგვის შიშს აღძრავს და  სწორედ ამ შიშის გამო, დგამენ ისინი მუშაობისას არასაჭირო ნაბიჯებს იმ იმედით, რომ თავი შეუცვლელ კადრად წარმოადგინონ. ასეთ თანამშრომლებს, ინდივიდუალური საუბრებისას, უნდა გაუქარწყლოთ ეს შიში და განვუმარტოთ ახალი მეთოდოლოგიის დადებითი მხარეები. ისეთი ტრენინგები, რომლებიც თავდაჯერებულობას აძლიერებს ინოვაციების დანერგვისას, ჩვენი აზრით, სავალდებულოა ინეგრაციის პროცესში. ყოველივე ამის გათვალისწინებით, იტეგრაციის ფაზისთვის რეალური პერიოდი - კომპანიის სიდიდის მიხედვით - განისაზღვრება ცხრიდან თორმეტ თვემდე.